見隨著香港D黑社會越來越無法無天，好多人都開始開美國證劵戶口轉移資金，其中有好多問題，咁我見有d知既就歸納番：
1. 咁多間劵商入面，IB，CS同TD都有分國際版同香港版。如果我無其他Passport開唔到國際版，咁就算我d錢過左落香港版，將來香港淪陷左都會拎唔番d錢？
首先我地撇開sipc先 (CS同TD香港版都有，IB無)，因為sipc講既係劵商執笠，當劵商仍然存在時即使當地法律改變時應該都唔會關佢事
咁而家我地就要先搞清楚所謂香港淪陷既話實際上可能的情況，主要有兩個:
1. 政府頒令凍結資產 (準確d講其實叫強搶你名下資產，因為淪陷左=無法治，所以無頒令呢回事)
2. 外匯管制/強制結匯
咁係一既情況下，香港或大陸政府的權力只在境內有效，所以如果你既資產實際上係放係外國既話，佢就搶唔到（當然佢如果知你有既話可以用你既人身安全威脅你轉返返黎，所以唔好以為轉移左資產就大安旨意做free-rider）。咁問題就黎啦，你放係IB / CS / TD香港版的資產係放係香港定美國呢？
如果我地淨係講美金/美股/美債既話，答案係美國！事實上呢三間劵商既香港分公司只係introducing firm，負責開發客戶及接受客戶訂單，實質上管有資產既係美國的清算行clearing firm：
IB HK的clearing firm是IB LLC (in US)
CS HK的clearing firm是Charles Schwab Clearing Services (in US)
TD HK的clearing firm是TD Ameritrade Clearing, Inc. (in US)
順帶一提Firstrade的clearing firm是Apex Clearing (都有sipc)，兩間都係美國
所以如果就算你開既係香港版戶口，你既美元計價資產都會係放係美國，咁政府要搶你既資產都要同外國deal。當然對比起完全離岸既戶口呢d香港版證劵戶口點都無咁安全，因為始終香港分公司仍然受香港法律監管，不過比起完全本地既戶口，都叫做安全少少既。另外要小心既係放係IB既港元同港股都係存放係香港，所以你用IB HK又擔心被港共政府凍結資產既就請盡快轉美元資產！
咁如果唔係凍結你資產（實際上你見就算係PRC都唔多見呢個情況，除非你好有錢 / 曾經好有權，而你好有錢既話你就唔會係係度睇呢篇文而應該直接搵你律師同會計師傾），而係實施外匯管制甚至強制結匯呢？
外匯管制無一間券商可以避，因為你每年匯入的美金會有上限。而強制結匯方面，正如上面講，因為clearing firm在美國，所以唔會影響你證券戶口入面的美元資產，之但係去到呢個情況，就等於你有錢都無法係香港提出黎用，因為你無辦法匯番哂d錢番黎。不過傻的嗎，去到呢個地步你仲諗住匯番d錢番黎？！正路梗係諗計出走啦！而我問過劵商，出走之後你係當地開既新銀行戶口 (under your name)係可以拎番哂你證券戶口d錢。
而出走前既生活費呢，如果你只係相信最差都不過係變到好似而家PRC咁，咁佢個外匯管制limit USD50k一年都夠你生活用既。而如果你覺得香港淪陷會變到委內瑞拉咁既情況，咁你可以申請CS/Firstrade戶口拎Visa Debit Card。不過到個時你都係要飛去外國先可以用debit card拎到美金，好似委內瑞拉就因此衍生出貨幣觀光客，拎哂親友D信用卡係外國ATM㩒美金當手信。注意咁樣都係法犯GA。所以我都話，你到時咁有心機左避右避，不如的起心肝研究點樣出走/直情而家擺定d美金現鈔係屋企 (但會蝕通脹)。
事實上香港版戶口最大可能發生既問題反而係劵商自己選擇關左香港的分公司。好似CS的新加坡分公司上年就執左，係執之前佢地係叫客戶將所有資產轉去其他公司。呢個例子係見到錢呢local account都好小機率拎唔番，而我估計港共落Order情況去到好差既地步既時候上面呢3間公司會好似呢個Case咁執左香港間分公司叫你之後閣下自理多過佢自己執行個Order多。所以最好好開起碼2個證劵戶口等有咩事上黎可以有地方用ACATS轉走d資產囉。你話你走到漏洞開國際版都係咁話，始終當年IB被SFC罰完之後係強制將所以HK resident的account轉去香港分公司的，所以呢刻你係國際版account都其實guarantee唔到你之後都會keep住係國際版的。
2. 點樣換美金最抵?
用今日個匯率7.84731比較要換1萬美金需要幾多港幣：
IB HK：78,486（匯率=7.847, 手續費USD2）
百年找換店：78,550（匯率=7.855, 注意銀行有外幣存入限額，如HSBC advance的daily limit是USD3k，所以你要分4日存，或者俾0.25%手續費=HKD196），其他找換店匯率可上
TTRate找
恒生銀行：78,630 （匯率=7.863）
匯豐特選客戶/citi最近有優惠以成本價兌換外幣：78,470 （匯率=7.847）
其實你見最多都係爭HKD160 / USD20 / 0.2%
題外話，兌美元避險連埋手續費以10萬港元計用IB最多係蝕HKD1,305（假設在匯率7.85時買美金和在匯率7.75時兌番港元）。而以上面既匯率差價計，猜算用找換店兌美元避險最多都只係蝕HKD1,667=1.67%。所以而家好多人呼籲換美金去縮香港銀根，而唔係買黃金 / Yen / Bitcoin，唔係因為美金比以上的投資收益比較好，而係講緊蝕極有限。如果你信自己投資眼光既，咁當然你都可以買金 / yen / Bitcoin等等。
3. 甚麼是NRA withholding tax?
美股唔同港股，派股息 (dividend) 係要俾稅政府ga，咁每次派股息劵商就會直接扣起你30%稅唔派俾你（即係正常計你只會收到70%股息），呢30%稅就係withholding tax。
注意呢30% withholding tax只係針對股息dividend，而唔係利息interest，所以美債的利息係唔使俾稅。但係如果你買既係corporate bond ETF / Preferred stock，佢發既係dividend而唔係interest，所以一般情況下都要預扣30%。
不過，有兩種情況係不需要俾30%預扣稅的：
1. 公司大部分獲利源於美國國外，其海外所得獲利可免除股息稅。所以好多bond ETF有不會收足30% tax，如AGG就係有85%可以免稅，所以實際股息稅=15%*30%=4.5%。想知道哪隻股票可免除預扣，最簡單是看公司註冊地，如果是海外（如Prudential的優先股PRH）就不需要預扣。ETF的話可以search "qualified interest income"或者直接睇呢篇
可扣稅bond etf文。ADR可以上
DTCC找
2. 獲利源於Government / municipal bond，所以US Treasury Bond ETF如TLT的股息不需要預扣
不過唔係每隻股票每個劵商都自動幫你退番預扣稅的。呢個時候你要自己搞退稅。
所以如果你係愛收息之人，揀劵商的時候都要考慮它會不會自動幫你退稅
Sidetrack一下，中國人買美股只需要扣10%股息稅哦，而香港和台灣都是要扣30%的。當有人跟你提香港就是中國時，你可以跟他提提這個分別。不過小矮人寧願給多20%預扣稅也不想美國視香港人如中國人。。。另外加拿大人和澳洲人的稅率是15%，如果你手持兩個的護照，請在申請證劵戶口時申報，咁就可以享受15%的股息稅率了。
4. 開美國證券戶口對家中長輩來說好像很麻煩，叫他們買3140 (hk s&p 500 etf) 做唔做到同一個效果？
不建議，因為1) 你買3140要給印花稅給香港政府，2) 成交量極低，一日平均成交量才6萬幾，3) 開支比率大, 4) 仍然Subject to HK LAW
嫌開美國證劵戶口麻煩的可以直接用HSBC / Citi買美股，有問題就問銀行職員。
其實現在的美國證券戶口都有中文介面，IB / TD HK亦可以用FPS入錢，開戶亦能全部在網上(+電話)都能辦妥，事實上並不麻煩。
